Қазақстанда Ұлттық домбыра күні атап өтіліп жатыр

Президент Қасым-Жомарт Тоқаев қазақстандықтарды Ұлттық домбыра күнімен құттықтады, - деп хабарлайды Tengrinews.kz тілшісі. Құттықтау сөзі Ақордада жарияланды. "Құрметті отандастар! Баршаңызды Ұлттық домбыра күнімен шын жүректен құттықтаймын! Бұл – еліміз үшін ерекше мейрам. Оны ел болып атап өту арқылы халқымыздың рухын көтеріп, танымын арттырамыз. Сондай-ақ, ұлы дала дәстүрлерін жас ұрпақтың санасына сіңіріп, төл өнеріміздің құдіретін танытамыз. Шын мәнінде, қазақтың қара домбырасы – ұлтымыздың бойтұмары.