"თბილისიმარათონის" გამო თბილისში გზებზე 25 სექტემბერს შეზღუდვები წესდება

"თბილისიმარათონი 2022"-ის გამართვის გამო თბილისის ზოგიერთ ქუჩაზე ტრანსპორტით გადაადგილება რამდენიმე საათით შეიზღუდება. შეზღუდვები იმოქმედებს 25 სექტემბრის 00:00-დან 11:00 საათამდე. თბილისის მერიის განმარტებით, დროის ამ მონაკვეთში მოძრაობა თავისუფლების მოედანზე შეზღუდული იქნება და სატრანსპორტო საშუალებებს გადაადგილება შეეძლებათ დადიანის ქუჩიდან ლეონიძის ქუჩის მიმართულებით. რუსთაველის გამზირზე გადაადგილება სრულად შეიზღუდება, რის გამოც, ტრანსპორტი მოძრაობას ინაშვილის ქუჩიდან პირველი რესპუბლიკის მოედნის მიმართულებით შეძლებს.