საფრანგეთში დააჯარიმეს პრეზიდენტობის კანდიდატი, რომელმაც მიგრანტებს „ქურდები და მოძალადეები“ უწოდა

საფრანგეთის პრეზიდენტობის კანდიდატი, ულტრამემარჯვენე ერიკ ზემური სასამართლომ რასობრივი სიძულვილის გაღვივებისთვის 10 000 ევროთი დააჯარიმა. ამის მიზეზი გახდა ტელეარხ Сnews-ის ეთერში 2020 წლის ოქტომბერში გაკეთებული განცხადება, როდესაც ზემურმა „ქურდები“, „მკვლელები“ და „მოძალადეები“ უწოდა საფრანგეთში თანმხლებთა გარეშე ჩამოსული მიგრანტების ბავშვებს და განაცხადა, რომ საჭიროა ქვეყნიდან მათი გაძევება. საფრანგეთის პროკურატურამ ჩათვალა, რომ მსგავსი გამოთქმები გამოხატვის თავისუფლების მოთხოვნებთან შეუთავსებელია.