მოსკოვსა და სანქტ-პეტერბურგში ნავალნის მხარდამჭერთა აქციების მონაწილეებს აპატიმრებენ

მოსკოვსა და სანქტ-პეტერბურგში ოპოზიციონერ ალექსეი ნავალნის მხარდამჭერთა აქციები მიმდინარეობს, პოლიცია მის მონაწილეებს აკავებს. ხალხი აპროტესტებს ნავალნის დაკავებას, რომელიც გერმანიიდან მოსკოვში დაბრუნებისთანავე დააპატიმრეს და 30 დღით პატიმრობა მიუსაჯეს. არასამთავრობო უფლებადამცველი ორგანიზაციის, "ОВД-Инфо"-ს ცნობით, მოსკოვში უკვე დააკავეს აქციის 60-ზე მეტი მონაწილე, პეტერბურგში 50-ზე მეტი ადამიანი, მათ შორის - „მედიაზონისა“ და „მედუზის“ კორესპონდენტები. დააპატიმრეს ასევე გამოცემა „კომერსანტის“ პეტერბურგის რედაქციის თანამშრომლები.