ჯერ გახსნეს, შემდეგ ჩაიბარებენ - ბათუმის 145-მილიონიანი სტადიონის მინდორი ხელახლა იცვლება

ბათუმის ახალი, UEFA-ას IV კატეგორიის, საფეხბურთო სტადიონი, რომლის საზეიმოდ გახსნას შარშან, არჩევნების წინ, პრემიერ-მინისტრი და თბილისის მერიც კი ესწრებოდნენ, დღემდე არაა ჩაბარებული. სტადიონზე, რომელიც 2 წელიწადი შენდებოდა, ბიუჯეტიდან თითქმის 145 მილიონი ლარი დაიხარჯა. გახსნიდან მალევე 20 ათას მაყურებელზე გათვლილ სტადიონზე ბათუმის დინამომ ორი მატჩი ითამაშა, ამის შემდეგ კი სტადიონი დაიხურა. მიზეზი დაზიანებული მინდვრის საფარი გახდა, რომლიც ახლა მთლიანად იცვლება. სტადიონის ბუნებრივ მინდორს ჰიბრიდულით ანაცვლებს მშენებელი კომპანია „ანაგი“.