ცხინვალის საავადმყოფოდან პაციენტების ევაკუაცია მოხდა
ოკუპირებული ცხინვალის ინფექციური საავადმყოფოდან Covid-ინფიცირებულები ბავშვთა საავადმყოფოს „წითელ ზონაში“ გადაიყვანეს. ეს გადაწყვეტილება კი მას შემდეგ მიიღეს, რაც საავადმყოფოს საქვაბე განყოფილება დაიწვა და შენობის გათბობა ვეღარ ხერხდებოდა. საინფორმაციო სააგენტო „რეს“-ის ცნობით, საქვაბეს შენობაში მოკლე ჩართვის გამო ხანძარი გაჩნდა. შემთხვევის ადგილზე სახანძრო სამსახურის რამდენიმე მანქანა მივიდა და ხანძრის ჩაქრობაში ჩაერთო.
ადგილზე დე ფაქტო პრეზიდენტი ანატოლი ბიბილოვი და ხელისუფლების სხვა წარმომადგენლებიც მივიდნენ.
Заголовки