ბაღდათელი ექიმი გარდაიცვალა COVID 19-ით

ბაღდათის სასწრაფო სამედიცინო დახმარების ექიმი, რომელსაც რამდენიმე დღის წინ კორონავირუსი დაუდასტურდა, გარდაიცვალა. ის თბილისის ერთ-ერთ კლინიკაში მკურნალობდა. სამედიცინო დახმარების სამსახურის ინფორმაციით, გარდაცვლილი ქალი 45 წლისაა. ამჟამად ბაღდათის მუნიციპალიტეტი სასწრაფო დახმარების გარეშეა დარჩენილი. სასწრაფო დახმარების ექიმების ნაწილი თვითიზოლაციაშია გადაყვანილი, ნაწილი კი მკურნალობას სახლში აგრძელებს. ბაღდათის მუნიციპალიტეტში 1 ქალაქი და 22 სოფელი შედის. მოსახლეობა  21 000 ადამიანს აღემატება (2014 წლის მონაცემებით).