19 წლის განმავლობაში ავღანეთში 2400-ზე მეტი ამერიკელი ჯარისკაცი დაიღუპა

2400-ზე მეტი ამერიკელი ჯარისკაცი დაიღუპა ავღანეთში თალიბანის დამხობის შემდეგ მიმდინარე საერთაშორისო-სამხედრო ოპერაციაში, რომელიც 19 წელიწადია გრძელდება. ბოლო ორი ამერიკელი ჯარისკაცი ნატოს „მტკიცე მხარდაჭერის“ მისიის სარდლობის ცნობით 21 აგვისტოს დაიღუპა ფარიაბის პროვინციაში.   საერთაშორისო სარდლობამ მათი ვინაობა 22 აგვისტოს დაასახელა - აშშ-ის არმიის სპეციალური ძალების, ე.წ. „მწვანე ბერეტების“ უფროსი სერჟანტები, 31 წლის ლუის დელონ-ფიგუერა და 35 წლის ჟოზე გონზალესი ხანმოკლე შეიარაღებული შეტაკების შედეგად დაიღუპა.