ჩაკეტილი ახალგორი დროებით გახსნეს
ოკუპირებული ცხინვალის რეგიონის დე ფაქტო ხელისუფლებამ დროებით გახსნა დაბა ახალგორში მდებარე ე.წ. გამშვები პუნქტი.
ახალგორელმა სამოქალაქო აქტივისტმა, თამარ მეარაყიშვილმა რადიო თავისუფლებას აცნობა, რომ ე.წ. საზღვარი ცალმხრივად გაიხსნა და დაბის დატოვებას შეძლებენ მოქალაქეები, რომლებსაც ამის სურვილი აქვთ.
თამარ მეარაყიშვილის ცნობით, დე ფაქტო ხელისუფლებამ წინასწარ შეადგინა დაახლოებით 170 პირის სია, ვისაც ოკუპირებული ახალგორიდან გასვლის უფლება მისცეს. დაბიდან მათი გამგზავრების შემდეგ ე.წ. გამშვები პუნქტი კვლავ დაიკეტება.
Заголовки