ევროპის სუპერთასს მადრიდის „ატლეტიკო“ დაეუფლა

უეფას ჩემპიონთა ლიგის მოქმედმა ჩემპიონმა მადრიდის „რეალმა“ წარუმატებლად გახსნა ახალი სეზონი. ზინედინ ზიდანისა და კრიშტიანუ რონალდუს გარეშე დარჩენილი „სამეფო კლუბი“ ევროპის სუპერთასზე 2:4 დამარცხდა ევროპა ლიგის ჩემპიონ მადრიდის „ატლეტიკოსთან“. ტალინში გამართული შეხვედრის ბედი დამატებით დროში გადაწყდა. ძირითად 90 წუთში გუნდებმა ორ-ორი გოლი გაიტანეს. „რეალიდან“ თავი ქარიმ ბენზემამ და სერხიო რამოსმა გამოიჩინეს, ხოლო „ატლეტიკოდან“ დიეგო კოშტამ შეასრულა დუბლი. 99-ე წუთზე „ატლეტიკო“ საულის გოლით დაწინაურდა.