ГIуда тоьхначул тIаьхьа вайна гIалгIайн жигархо Озиев
Зазадоккху-беттан 27-чохь Iедалшкара бакъо йоцуш Магасехь хIоттийначу митингехь дакъалацарна 20 эзар сом гIуда тоьхначул тIаьхьа, тIепаза вайна 41 шо долу Озиев Тимур. "Медиазона" хьостано яздо, цуьнан йишас Озиева Мариеттас бинчу хаамна тIе а тевжина. Йишас дийцарехь, ницкъахоша дIавигина иза кху беттан 17-чохь.
"Цхьанхьа герзаш диттина, цуьнан куьйгаш тIехь молхан лараш юй хьовсуш, экспертиза ян деза шайн элира цара. Цундела паргIат дIавахара иза цаьрца, ша гунахь воций хууш хиларна", - дийцина зудчо.
Заголовки