İranda Xəyyamı dərsliklərdən niyə çıxarmaq istəyirlər?

Ömər Xəyyam fars ədəbiyyatının nəhəngidir, lakin bəzi məlumatlara görə rübailəri İran məktəblərinin dərsliklərindən çıxarıla bilər. AzadlıqRadiosunun müxbiri Golnaz Esfandiari yazır ki, İran mətbuatı və sosial media şəbəkələrində yayılmış xəbərlərə görə, Xəyyam da yeni plana əsasən əsərləri məktəb dərsliklərindən çıxarılmağa namizəd olan onlarca şair və yazıçının arasındadır. Bunun əvəzində dərsliklərə, məsələn, Suriya müharibəsində həlak olmuş iranlı döyüşçülər barədə hekayətlər daxil edilməlidir.