Элвин Грейның гаиләсе ишәйгән

Популяр җырчы Радик Юльякшинның (Элвин Грей) гаиләсе ишәйгән. Бу шатлыклы вакыйга турында артистның тормыш иптәше Инзилә сөйләде. Илзилә белән Радикның өендә хәзер салпы колаклы матур песи яши. Алар аңа Ай (Луна) дип исем кушканнар.

Инзилә сүзләренчә, аның песи алу теләге инде күптән булган. Ләкин аңа Радикны шактый озак үгетләргә туры килгән.

Сторисларыннан күренгәнчә, песи баласы инде яңа хуҗаларына ияләшеп килә. Ул Радик белән Инзиләнең сәхифәсен карап баручыларда да зур кызыксыну уяткан.