«Синең дулкын» солянкасы: Эстрада кемнәр кулына күчә?

Яшерен-батырын түгел, соңгы арада солянка концертлары бигрәк күбәеп китте шикелле. Концерт заллары яныннан үткәндә дә төрле-төрле афишаларның кайсына карарга белмисең. Бу юлы да «ничарадан бичара» концертмы икән, дип кенә барган идем. Ә юк, бу чын-чыннан талантлы яшьләрне халыкка күрсәтү булды. Әйдәгез, башлыйк.

Шоу-программаны Байбулат, Олеся Лесная һәм Рәдиф Әхмәдиев алып барды. Әйе, сәхнә артларын төшереп йөри-йөри, артистлар белән интервьюлар эшли-эшли блогер Олеся Лесная да сәхнәгә менеп җитте.