«16 яшь... Фаҗига кабатланды»: Римма Никитина авыр көннәрен искә ала

Җырчы Римма Никитина күңеленә бик авыр хәлләр турында уртаклашты. Кичә ул, якын кешеләре белән, туганнан туган сеңлесе Аринаны искә алу мәҗлесендә булган.

Бүген яраткан туганыбыз Аринаның безне калдырып китүенә төгәл бер ел. Мин аның арабызда булмавына һаман да ышана алмыйм. Менә-менә килеп керер, елмаер, кысып кочаклап алыр сыман. 16 яшь… Әле яшисе дә яшисе иде. Ариночка, син һәрвакыт безнең йөрәкләрдә. Син хәзер – безне күкләрдән күзәтеп, саклап торучы фәрештә. Якыннарны югалту бик авыр.