Бәйрәмнәрдән соң организмны җайга салу өчен нәрсәләр ашарга?

Бәйрәмнәр дәвамында ашаганнан соң организмны яңадан үз халәтенә кайтару өчен яшелчәләр, үләннәр, җиләк-җимеш һәм кипкән җимешләр ашарга кирәк. Аз-азлап туклануга күчү һәм йокларга 3 сәгать кала кичке ашны ашау яхшырак, дип белдерә РИА Новости агентлыгына Роспотребнадзорның матбугат хезмәте.

Бәйрәмнәрдән соң нормага кайту өчен баланслы туклануга өстенлек бирергә, җиңелрәк һәм аз калорияле менюга күчәргә, физик активлык өстәргә кирәк. Баланслы туклану иммунитетны ныгытырга да ярдәм итәчәк.