Закир Шаһбан: «Сукырлык – гариплек түгел, ул бары тик зур уңайсызлык кына»

«Күңел» радиосына кунакка килгәч, Татарстанның атказанган артисты, музыкант Закир Шаһбан, күрмәсә дә, бу тормышта үзен уңайлы хис итүен, мобиль булуын сөйләгән.

«Мин тормышка шул кадәр ияләштем, дип әйтергә кирәк. Элек, менә мин күрмим, мин ярдәмгә мохтаҗ, дип, беркадәр уңайсызлык тоя идем. Хәзер мин BlaBlaCar белән Казанга чыгып китәм. Гөлүсә озатып җибәрә, барган җиремдә каршы алалар. Мин мобиль дип әйтәсем килә.

Казанда бер остазым бар иде минем – Муса абый. Аның бер фикерен гомер буена күңелемдә калдырдым.