– Исәнмесез! Нәрсә борчый сезне? – дип кызыксынды табиб, бүлмәсенә керүгә.
– Сезгә сорауларым бар иде. Нәрсәдән башлыйм икән?
– Алай күп булгач, кайсыннан башласагыз да була, – диде табиб, бераз елмаеп.
– Менә нәрсәне беләсем килә: миңа ярманың кайсын ашарга ярый?
– Ничек инде, кайсын? Кайсын яратасыз – шунысын ашагыз, – диде табиб, аптырабрак калып.
– Юк шул, Интернетта язалар бит: «Зыяны бар, табиб белән киңәшегез!» дип, шуңа күрә нинди ярма ашарга да белгән юк.