Ринат Рахматуллин утын пычкысы белән чәкчәк кисеп кайткан

Оренбург өлкәсенең Кувандык дигән шәһәрендә мәҗлестә чәкчәкне пычкы белән кисү йоласы бар икән. Бу күренешне Ринат Рахматуллин социаль челтәрдә күрсәтте.

Бу йолада төп эш – чәкчәк кисүне Ринат Рахматуллинга тапшырганнар. Бихисап никах, туйларда йөргән Рахматуллин бу алымны беренче тапкыр күрүен әйтә. «Менә бу йола», – дип тәмамлый эшен Татарстаннан килгән кунак.

Ринат Рахматуллинга бу чәкчәкне күчтәнәчкә дә җибәргәннәр. «Туйга да килерсең инде», – дип озатып калганнар аны.