Муса Җәлил ролен башкарган Зөлфәт Закиров: «Менә бит хыялым!»

Режиссер Радик Кудояровның герой-шагыйрь Муса Җәлилгә багышланган «Кара урман» фильмы иртәгә киң прокатка чыга. Бу фильмда төп рольне – Муса Җәлил ролен – К. Тинчурин театры актеры Зөлфәт Закиров башкарды.

«Театр училищесында, аннан Мәскәүдә укыганда, Казанга кайткач та бер хыялым бар иде – үз туган көнемдә туган берәр күренекле шәхесне уйныйсым килде. Муса Җәлил һәм Илһам Шакиров белән туган көннәребез бер үк көнне булуын белә идем.

Шушы бөек шәхесләрнең берәрсен яки сәхнәдә, яки фильмда уйныйсы килү хыялы яшәде миндә.