«Тұқым-2026. Қызылжар»: аграрлық даму мен инновациялық тәжірибе платформасы

Бүгін «Тұқым-2026. Қызылжар» халықаралық конференциясы отандық және көршілес елдердің сарапшыларын біріктірді. Конференцияға СҚО әкімі Ғауез Нұрмұхамбетов қатысты. Қатысушылар қазақстандық және шетелдік өндірушілер ұсынған жоғары маржиналды дақылдардың тұқымдары көрмесімен танысты.

— Тұқым шаруашылығын дамыту мемлекеттік аграрлық саясаттың негізгі бағыттарының бірі. Өңірде екінші жыл қатарынан өтіп отырған «Тұқым- 2026 Қызылжар» халықаралық конференциясы отандық және шетелдік жетекші сарапшыларды біріктірген маңызды алаңға айналды.