Рөстәм хәзрәт Хәйруллин яңа туган баланы кайчан сөннәткә утырту яхшырак икәнен әйткән

Ир бала туганнан соң, аны мөмкин кадәр иртәрәк сөннәткә утырту хәерле. Бу хакта «Татар-информ»га биргән интервьюсында Казанның «Гаилә» мәчете имам-хатыйбы Рөстәм хәзрәт Хәйруллин сөйләгән.

«Әгәр ир бала туган икән, аны шундук сөннәткә утыртырга кирәк. Миннән еш кына: «Хәзрәт, моны кайчан эшләргә кирәк? Без хастаханәгә бардык – 3 яшьтә дип әйттеләр», – дип сорыйлар. Пәйгамбәребез салләллаһү галәйһи вә сәлләм, мөмкин кадәр иртәрәк сөннәткә утырту яхшырак, дип өйрәтә, җиденче көнгә ясарга киңәш ителә», – дигән хәзрәт.