Илнар Сәйфиев операция ясаткан

Соңгы вакытта матурлык өчен төрле процедуралар ясатучылар арасында ир-атлар да булу бер дә гаҗәп күренеш түгел. Мәсәлән, күпләр, пеләшләреннән котылу өчен, чәч күчереп утырту буенча операциягә керәләр. Популяр җырчы Илнар Сәйфиев тә, хәтта пеләш булмавына карамастан, куе, матур чәчле булып йөрергә теләгән. Ул Казандагы бер клиникада чәч күчереп утыртуы турында хәбәр итте.

«Иртә таңнан Илнар хастаханәдә нишли икән дисәгез, мин азрак кына чәчләр куйдыртырга булдым. Киләчәктә чәчләрнең матур булуы бик мөһим», - дип сөйли ул.