Иң тиз ясала торган тавык шашлыгы рецепты

Тавык итеннән шашлык — иң тиз һәм җайлы әзерләнә торган ризык. Сөяксез тавык боты итен алсак тагын да уңайлы була. Аны турарга да кирәкми, шампурга да гади генә тезеп була.

Ингредиентлар: 500 г тавык боты ите, берничә кашык натураль йогырт, төс кертү өчен генә кетчуп һәм үзегез яраткан тәмләткечләр (тоз, борыч, хуш исле тәмләткечләр).

Итне маринадта тотарга кирәкми, кыздырыр алдыннан салып болгатырга һәм шампурларга тезеп мангалга куярга. Шулай ук кыздырган вакытта да ит кисәкләрен маринад белән майлап торырга була.