Гөлүс Хәбибрахманов: «Композиторлар акча эшләү турында гына уйламасыннар иде»

«Җыр сайлаганда бик игътибарлы булырга кирәк»

Сез соңгы 3-4 елда ныклап танылу турында уйлый башладыгыз бугай?

Соңгы 2 елда татар эстрадасында җырчы буларак популярлашу максаты белән тир түгәбез. Хәзерге тырышлыгым – уйланып булдырылган проект өчен, ягъни Гөлүс Хәбибрахманов исемле артистның татар эстрада сәхнәсендә танылуы өчен. Әмма шулай да моңа кадәр дә тырышып-тырмашып караган вакытларым булды, тик, ни өчендер, күзалланган танылу максатына ирешеп булмый иде. Күрәсең, вакыты җитмәгән булгандыр.