Шәңгәлчеләрчә боламык пешереп сыйланыгыз әле

Күптән түгел «Интертат» хәбәрчесе Юлай Низаев легендар Шәңгәлче авылында матур бәйрәмдә булып кайтты. Анда халыкны бик тәмле боламык белән сыйладылар. Рецепт белән дә уртаклаштылар.

Кирәк: 1килограмм бәрәңге, тоз, бер уч он һәм 50 грамм ак май.

Пешерү тәртибе: чистартылган бәрәңгене суда пешерәбез. Әз генә суын калдырып, сөт салып, бәрәңгене агач тукмак белән изәбез. 1-2 кашык он салып болгатабыз. Аннары ут өстенә куеп алабыз. Зур коштабакка бүлеп, уртасын чокырлап, эретелгән ак май кушырга кирәк.