Эльвира Хамматова бер егет белән фотосын күрсәтте: «Бар да көткәннән яхшырак»

Әле күптән түгел генә икенче иреннән аерылган җырчы Эльвира Хамматова социаль челтәрдә бер егет белән төшкән фотосын урнаштырды. Дөрес, ул янәшәсендә үзен кочаклап утыручы егетнең йөзен смайл белән каплап куйган. Бәхетеннән балкып торучы җырчының сторисларын үз репертуарыннан «Мәхәббәттә янсаң» җыры бизи.

Эльвира Хамматова: «Аерылдым»

«Бу җырның мәгънәсе быел гына ачылды. Мине күзәтеп барган тамашачыларыма «бар да көткәннән яхшырак» диясем килә. Мине укучы хатын-кызлар, без бәхетле булу өчен туган!