Нәҗибә Сафинаның кызы: «Соңгы көннәрендә дә яшәүгә өмете булды»

Нәҗибә Сафина исемен «Интертат» укучыларына аңлатып тору да, купшы-купшы сүзләр язу да кирәкмидер. Ул милли үзаң, әдәбият һәм сәнгать өчен ялкынланып яшәгән олуг шәхес иде. Соңгы көннәрен, каһәрле чир белән көрәшеп кызы һәм кияве тәрбиясендә үткәрде. Нәҗибә апа белән хезмәттәшебез Рузилә апа Мөхәммәтова корган җанөзгеч әңгәмәне укып битараф калучылар булмагандыр ул. Мин исә аның авыр чиргә дучар булуын яхшы белдем, дисәм, күпертү булырмы?.. Әйтә дә алмыйм, октябрьнең бер моңсу кичендә шалтыратты бит ул.