Святлана Ціханоўская павіншавала беларусаў і беларусак з надыходам 2025-га — што яна казала

Лідарка беларускіх дэмакратычных сілаў Святлана Ціханоўская павіншавала беларусаў і беларусак з надыходам 2025 года. У гэты раз яна прысвяціла свой зварот тэме сям'і і зрабіла яго цалкам на беларускай мове (ад гэтай традыцыі былі адступленні ў пачатку 2024 і 2021 гадоў, калі часткова словы былі па-руску). Святлана Ціханоўская звярнула ўвагу, што Новы год звычайна быў для беларусаў сямейным святам. — У гэты дзень сваякі з усіх куткоў краіны збіраліся разам. Вярталіся з камандзіровак, адкладалі падрыхтоўку да сесіі, адмянялі працоўныя сустрэчы.