«Күршеләр буйлап дус хатынын эзләп йөргән, йортларның берсендә әбигә һөҗүм иткән»
Татарстанның Югары суды 54 яшьлек Ольга Спиридонова эшен тикшерә башлады. Ачыкланганча, аңа «психик тайпылыш» диагнозы куелган, шуңа күрә аны гаепләмиләр, ә җинаятен фаш итәләр. Суд аны, аеруча шәфкатьсезлек белән 93 яшьлек әбине үтергән өчен, мәҗбүри психиатрик дәвалануга җибәрү турындагы карарны карарга тиеш. Утырыш башланганчы Спиридонова үз адвокатына гаебен танымавын, корбанының йортына кермәвен һәм беркемне дә үтермәвен әйткән.