Пажары на Гродзеншчыне: гарэлі закінуты будынак, жылы дом і гаспадарчая пабудова

Вечарам 22 мая выратавальнікам паступіла паведамленне пра пажар у закінутым будынку ў вёсцы Кумпяны Астравецкага раёна. У выніку ўзгарання буданак цалкам знішчаны агнём.

Таксама 22 мая ў 22.08 выратавальнікам паведамілі пра пажар у жылым доме ў вёсцы Астравок-1 Гродзенскага раёна. Там агонь пашкодзіў дах на плошчы 20 квадратных метраў.

23 мая ў 00.05 выратавальнікам паступіла паведамленне пра пажар у прыватнай гаспадарчай пабудове ў вёсцы Валавікі Ашмянскага раёна. У выніку пабудова згарэла.