Биектау районында юлда аю күргәннәр

Биектау районында юлда аю күргәннәр. Хайванның фотосы телеграм-каналларда чыккан. Бу хакта «Вести-Татарстан» хәбәр итә.

Җәнлек Казаннан 50 километр чамасы ераклыкта, Дөбъяз авылы янындагы юлда булган.

Шунысын да билгеләп үтәргә кирәк, Татарстанда аюлар күренү – сирәк күренеш түгел. 6 октябрьдә Мамадыш районының Норма авылында аю 9 сарыкны үтергән иде. Аны шул җирлектә яшәүче фермер күрә, ә икенче көнне хайван балалары белән йөргән, диелә хәбәрдә.