Тавык йомыркасы иң арзан бәягә сатылган Россия төбәкләрен атадылар

Россиядә гыйнвар аенда тавык йомыркаларына иң арзан бәя Пенза өлкәсендә булган – дистәсе уртача 66,3 сум торган. Бу хакта РИА Новости яза.

Өчлеккә шулай ук Түбән Новгород өлкәсе (уртача бәя – 70,3 сум) һәм Псков өлкәсе (72,3 сум) кергән.

Самара өлкәсендә дистә йомырка 72,7, Башкортстанда 73,2, Мордовиядә 73,3, ә Ульяновск өлкәсендә 73,5 сум булган.

Татарстанда ун йомырка 74,1, Курск өлкәсендә 74,6 сум торган. Унлыкны Марий Эл яба – монда ун йомырка өчен 76,8 сум түләргә туры килгән.