Лениногорск районы Шөгер авылында Вильдановлар бакчасында галәмәт зур биеклектә көнбагыш үскән. Әлеге көнбагыш фотосын Вильдановларның кызы Лилия юри генә социаль челтәргә куйган булган, һәм шуннан әлеге фото иң күп караучыларны җыйган, дип яза «Заман сулышы» сайтында Розалия Мостафина.
Бу көнбагыш Шөгердә яшәүче Асия һәм Рәшит Вильдановлар бакчасында үскән, сүз уңаеннан, әле һаман да үсә.
«Яз аенда без чәчкәләр катнашмасы орлыкларын бакчага чәчкән идек. Шушы орлыклардан мондый биек көнбагыш чыгар дип уйламадык та.