Сирень чәчәгеннән ясалган төнәтмә буыннар сызлавын баса

Сирень куаклары чәчәккә төренде. Димәк, аңардан бик шәп төнәтмә ясар вакыт җитте. Ул буыннары сызлаудан интегүчеләр өчен яхшы һәм сыналган дәва булачак. Бу хакта «Кызыл таң» сайтында хәбәр ителә.

Төнәтмә болай әзерләнә: 0,7 литрлы банкага сирень чәчәкләрен тыгызлап тутырыгыз һәм өстенә савыт тулганчы аракы салырга. Аннары, капкачын ябып, караңгы урынга 20-30 көнгә алып куярга кирәк. 1 айдан соң сыекчаны сөзәргә.

Сирень төнәтмәсе белән сызлаган аякларыгызны уыгыз. Файдасын үзегез дә тоярсыз.