Урамда үзәккә үтәрлек салкын җил: кар көтеләме?

Россия Гидрометеорология үзәгенең фәнни җитәкчесе Роман Вильфанд, алдагы көннәрдә Россиянең 5 төбәгендә кар явачак, дип фаразлый. Бу хакта ТАСС агентлыгына сылтама белән «Челнинские известия» газетасы яза.

Идел буе федераль округының төньягында бозлавык, кар түшәмәсе, җил тизлеге секундына 20 метрга кадәр көчәю көтелә. Татарстанда яңгыр, җепшек кар, секундына 23 метр тизлектә көчле җил фаразлана.

Түбән Новгород, Киров өлкәләрендә алдагы көннәрдә кар, җепшек кар һәм яңгыр явачак.