«Әл-Әзһар» академиясе имамнары Татарстан мәчетләрендә тәравих намазлары үткәрә

Татарстан мөселманнары Диния нәзарәте чакыруы буенча республикабызга «Әл-Әзһар» академиясеннән (Мисыр дәүләте) 7 дин галиме килде. Алар – Коръән укучылар һәм ислам фәннәре укытучылары. Бу турыда Диния нәзарәте матбугат хезмәте хәбәр итте.

Рамазан аеның соңгы ункөнлегендә кунаклар Татарстан мәчетләрендә тәравих намазлары һәм лекцияләр үткәрә. Сәфәр дини багланышларны ныгыту максатыннан тормышка ашырыла.

Мисыр имамнары республиканың Чистай, Кукмара, Әлмәт, Лениногорск, Арча, Түбән Кама һәм Бөгелмә мөхтәсибәтләренә юл тотты...