Алабуга районында фурага бәрелгән җиңел машина йөртүчесе һәлак

Татарстанның Алабуга районында Toyota автомобиле MAN йөк машинасына бәрелгән. Җиңел машина йөртүчесе урында ук һәлак булган, дип яза «Татар-информ».

Татарстан Дәүләт автоинспекциясе хәбәр иткәнчә, юл-транспорт һәлакәте бүген төнлә М-7 трассасында булган. Караңгы булуга карамастан, Toyota зур тизлектә хәрәкәт иткән. Бер мизгелдә машина алдан баручы фура астына килеп кергән, диелә хәбәрдә.