Ышанычны югалту сәбәпле, Республика Онкология диспансеры баш табибын эшеннән җибәрделәр

Татарстан прокуроры Альберт Суяргулов таләбе буенча, Республика онкология диспансеры (РКОД) баш табибы Илгиз Һидиятов эшеннән азат ителде. Бу хакта күзәтчелек органының матбугат хезмәте хәбәр итә, дип яза «Татар-информ».

Тикшерү ачыклаганча, коммерцияле фирмалар аның белән дәүләт контрактлары төзегән вакытта, баш табибның шәхси чыгымнарын – көнкүреш техникасын һәм автомобиль арендасын түләгән. Шулай ук Илгиз Һидиятов гомерен 5 млн сумга иминиятләштерү турында мәгълүматны яшергән һәм туганы исеменә 17 млн сумлык милек теркәгән...