«Язын – Тукай, көзен – Саҗидә»: Әлмәттә Саҗидә Сөләйманова премиясен тапшырдылар

15 октябрьдә Татарстанның нефть башкаласы Әлмәттә «Урсал тау», «Саубуллашу вальcы», «Тормыш, исәнме!», «Ах, җаныем Бибисара!» кебек җырларның авторы, шагыйрә Саҗидә Сөләйманова исемендәге әдәби премия лауреатлары җыелды. Бу премия 2006 елда «Татнефть» һәм Татарстан Язучылар берлеге тарафыннан гамәлгә куелган. Башта ул ел саен тапшырылса, соңгы елларда 2 елга 1 тапкыр гына бирелә.

Биредә тәҗрибәле язучылар гына түгел, ә югары уку йортларында, көллиятләрдә белем алучы, язучы буларак беренче адымнарын ясаучы студентлар да катнаша.