Алинә Давыдова: «Мин беркайчан да үз-үзем белән канәгать түгел»

Алинә, сольный концертлар куярга әзер икәнеңне кайчан аңладың?

Төгәл әйткәндә, 2 ел элек мин инде сольный концерт куярга әзер икәнемне аңладым. Бу концертыма 1 ел – мораль яктан, 1 ел физик яктан әзерләндем.

Бу концертымда мин иҗат юлымны күрсәтәчәкмен. Программа бик кызыклы итеп төзелде, ул гади җырлар тезмәсе генә булмаячак. Лирик, керәшен халык җырлары, татар халык җырлары тупланган, бер-берсенә бәйләнгән өлешләрдән торган кызык тамаша көтелә. Сольный концертымда иҗатташ дусларым Мария Карпова, Dj Радик чыгыш ясаячак.