Иделдә көймәдә йөргәндә давылга очраган әби белән бабайны коткарганнар

Ир белән хатын – 93 яшьлек бабай белән белән 80 яшьлек әби, резина көймәгә утырып, Тәтеш янында Иделдә йөрергә чыккан. Шул чакта давыл башланган, көймә Олы Тархан авылы янында камышлар арасында калган.

Әби белән бабайга ярдәм кирәк булган. Тик алар үзләренең кайда булуын төгәл әйтә алмаган.

Россия Гадәттән тыш хәлләр министрлыгының Татарстан буенча Баш идарәсе хәбәр иткәнчә, әби белән бабайны коткаручылар тапкан һәм Тәтеш шәһәре янына пристаньга кайтарганнар. Аларга медицина ярдәм кирәк булмаган...