Махсус операциядә һәлак булган Татарстан хәрбиенең гәүдәсендә 14 яшьлек укучы кызның үтенече язылган хат тапканнар. Хәрбинең туганнары, Сызраньда яшәүче әлеге кызны эзләп, КТВ-ЛУЧ телеканалына чыкканнар.
«Ватанны саклаган өчен рәхмәт әйтергә телим. Мин сиңа никадәр авыр икәнен күз алдына да китерә алмыйм, әмма озакламый синең үзең белән горурлана торган якыннарың янына кайтачагыңа ышанам. Сәламәтлегеңне сакла. Сиңа көч кирәк, чөнки синең артыңда – меңләгән кешенең гомере. Сызраньнан Арина», – дип язылган хатта.