8 сентябрьдә Татарстанда сайлауга килү күрсәткече 71,6 процент булган. 5 ел элек булган (70,08 процент) күрсәткечтән ул зуррак, сәясәтчеләр, сайлауга кызыксыну зур булды, дип бәя бирә.
Парламентка 5 партия вәкилләре узды. Партия исемлекләре буенча 50 кеше сайланды, бер мандатлы округлардан 49 кеше узды. Ни өчен 100 депутатка тулмауның сәбәбе бар: 34нче Чистай округында 8 сентябрьгә депутатлыкка теркәлгән 1 генә кандидат калган булган. Ул да булса, РФ вице-премьеры Марат Хөснуллин улы – Альберт Хөснуллин.