«2008 елдан бирле ашамыйбыз»
– Быел гөмбә бик күп: эсселек булды, аннары яхшы яңгырлар яуды, гөмбә урманнарда гына түгел, шәһәрдә, паркларда да үсте. Социаль челтәрләрдә минем барлык дусларымның статуслары гөмбәләр белән тулды. Мин алар өчен бик борчылам, – дип сөйләде ТР Сәламәтлек саклау министрлыгында туры эфир вакытында республиканың баш токсикологы, Казанның 7нче Дәүләт клиник хастаханәсенең токсикология бүлеге мөдире Алия Насыйбуллина. – Мин һәм минем гаиләм 2008 елдан бирле бернинди гөмбә ашамыйбыз.