Язгы чәчүдә фаҗига: Бүген 19 яшьлек Сарман егете Әлмәттә чәчкечкә эләгеп үлгән

Әлмәт районында 19 яшьлек егет һәлак булган. Студент егет язгы чәчү эшләрендә катнашырга килгән булган. Бу турыда Татарстан прокуратурасы хәбәр итте.

Якынча белешмә буенча, 4 майда 12.40 сәг тирәсендә эшче егет чәчкеч механизмына эләгә. Ул бик җитди имгәнә. Аны Әлмәт үзәк район хастаханәсенә китерәләр. Ул биредә һәлак була.

Мәрхүм егет – Сарман районында яши, ул аграр көллияттә 3 нче курста укый.

Урынга Әлмәт прокуроры урынбасары Сергей Карамзин барган. Тикшерү оештырганнар, диелә хәбәрдә.