Балалар театрлары бәйгесендә җиңгән спектакльне куючы: «Хәрби операция темасын күтәрдек»

Г.Кариев исемендәге Казан татар дәүләт яшь тамашачы театрында «Иделкәем&Кариев варислары» дип исемләнгән балалар-яшүсмерләр театр коллективлары һәм студияләренең XIV Төбәкара фестиваль-конкурсы үтте. Җиңүчеләр «Драма театры», «Музыка театры», «Курчак театры» номинацияләре буенча билгеләнде.

22-24 ноябрьдә жюри әгъзалары 3нче турга узган коллективларның чыгышларын карадылар, Гран-при иясен, лауреатларны билгеләделәр һәм баш режиссер катнашуында театр сәнгате төрләре буенча мастер-класслар үткәрделәр.