«Хәзер шырдый-бырдый факультетларга ришвәт ташу бетте»

Казан студентлары тормышына БДИ кискен үзгәреш кертте. Университетлардагы сыйфатсыз диплом өчен акча ташу юкка чыкты. Халык бушлай укып кинәнә хәзер.

Тик татар журналистлары БДИны сүгеп гаҗәпләндерде. Яхшы укучыларга яхшы университетларда уку мөмкинлеге туды. Начар укучы да, диплом дип, атасы акчасын, вакытын сарыф итми: техникум, ПТУга гына бара. Газапланып, 10нчы класста тригонометрия укып тормасаң да була. 9нчы (элек 8нче дип атала иде) сыйныфтан китәргә була.

Бу ирек теләкләрне тәртипкә китерде, мөмкинлекләр ачты.