Сунъий интеллект сабаб Jony миллионлаб доллар ишлаб топди

Озарбайжонлик машҳур хонанда Jony ижтимоий тармоқларда кутилмаган тарзда яна бир бор рекорд даражада оммалашди. Бу сафар унинг машҳурлигига 2020 йилда чиққан “Камин” таронасига асосланган сунъий интеллект орқали яратилган мультфильмлар сабаб бўлди.

Сўнгги ҳафталарда TikTok ва YouTube платформаларида “Мен қулупнайман, сен ҳам қулупнайсан, нега биздан банан туғилди?” мазмунидаги ҳазиломуз видеолар тез суръатларда тарқалди. Қизиғи шундаки, ушбу вирусли роликларда айнан Jony ижро этган “Камин” қўшиғи фон мусиқаси сифатида қўлланилган.