Ўзбекистон шахматчилари жаҳон чемпионатида кучли таркиб билан қатнашади

Ўзбекистон шахмат терма жамоаси яна бир нуфузли халқаро мусобақада иштирок этади. UzChess Federation тарқатган маълумотга кўра, шу йилнинг 17–21 июнь кунлари Ҳонгконг шаҳрида Халқаро шахмат федерацияси — ФИДЕ томонидан жамоавий рапид ва блиц бўйича жаҳон чемпионати ўтказилади.

Ушбу мусобақада дунёнинг энг кучли шахмат жамоалари қатнашиши кутилмоқда. Турнир юқори рақобат ва кескин баҳсларга бой ўтиши тахмин қилинмоқда.

Ўзбекистон терма жамоаси ҳам чемпионатда кучли ва мувозанатли таркиб билан иштирок этади.